Ration Shop Update: தமிழக தொழில் துறை அமைச்சர் டிஆர்பி ராஜா (TRB Raja)அவர்கள், விவசாயிகளின் கோரிக்கையை ஏற்று தேங்காய் எண்ணெய் (Coconut Oil) மற்றும் கடலை எண்ணெய் (Groundnut oil) போன்றவற்றை ரேஷன் கடைகளில் (Ration Shop) விற்க ஏற்பாடுகள் நடைபெற்று வருவதாக தெரிவித்துள்ளார்.
விவசாயிகள் பனை எண்ணெய் சாகுபடியில் ஈடுபடுவது மற்றும் அவர்களின் விளைச்சலை அதிகரிப்பது குறித்து தகவலறிந்த முடிவுகளை எடுப்பதற்கு உதவும் வகையில், Godrej Agrovet (GAVL) நிறுவனம் தஞ்சாவூரில் (Tanjore) தனது முதல் மையத்தைத் தொடங்கியது. மேலும், இந்த மையத்தில் விவசாயிகளுக்கு தேவையான பாமாயில் (Palm Oil) பனைச் செடிகள், உரங்கள், பராமரிப்பு கருவிகள் மற்றும் பனை விதைக்குள் முதல் உள்ளிட்ட சேவைகள் வழங்கப்பட உள்ளதாக தெரிவிக்கப்பட்டுள்ளது.
தொழில்துறை அமைச்சர் டிஆர்பி ராஜா (TRB Raja) கூறுகையில், கோத்ரெஜ் (Godrej) தனது FMCG (எஃப்எம்சிஜி வணிகத்திற்கான அதிநவீன உற்பத்தி வசதியை தமிழ்நாட்டில் அமைக்கிறது. “தமிழ்நாட்டின் விவசாயம் நிறைந்த டெல்டா மாவட்டங்களுக்கு உணவு பதப்படுத்தும் வசதிகளைக் கொண்டு வருவதற்கான அரசாங்கத்தின் உறுதிப்பாட்டை இந்த முயற்சி எடுத்துக்காட்டுகிறது. இதுபோன்ற பல பிரிவுகள் விரைவில் நிறுவப்படும் என்பதை அறிவிப்பதில் நாங்கள் மகிழ்ச்சியடைகிறோம், ”என்று நிகழ்ச்சியில் கலந்து கொண்ட ராஜா கூறினார். மேலும் இம் மாவட்டத்திலுள்ள விவசாயிகள் தங்கள் விளைவித்த பொருட்களை மதிப்பு கூட்டி (Value Added Products) விற்கும் தொழில் முனைவோராக மாற வேண்டும் எனவும் கூறியுள்ளார்.
உற்பத்தி செய்யும் நெல், கரும்பு, பாமாயில், தேங்காய் ஆகியவற்றை மதிப்பு கூட்டும் பொருட்களாக மாற்ற வேண்டும் என்றும், விவசாயிகளின் கோரிக்கையை ஏற்று தேங்காய் மற்றும் கடலை எண்ணெயை ரேஷன்(TN Ration Shop) கடைகளில் விநியோகம் செய்வதற்கான ஏற்பாடுகள் நடைபெற்று வருவதாக அவர் குறிப்பிட்டார்.
Also Read: ஹத்ராஸ் கூட்ட நெரிசலில் 124 பேர் பலி Hathras Stampede
