Lok sabha election 2024 viral video of teen voting 8 times for BJP | ஐந்தாவது கட்ட பொதுத்தேர்தலில் 49 மக்களவைத் தொகுதிகளுக்கு வாக்களிக்கப்பட்ட நிலையில் உத்தரப் பிரதேசத்தில் இருந்து இளைஞர் ஒருவர் பாஜக வேட்பாளருக்கு எட்டு முறை வாக்களிப்பது போன்ற வீடியோ வைரலாக பரவி பரபரப்பை ஏற்படுத்தியது.
வீடியோவில், இளைஞர் ஒருவர் மின்னணு வாக்குப்பதிவு இயந்திரத்தில் வாக்களித்து, அந்த செயலை பதிவு செய்துள்ளார். மே 13 அன்று ஃபரூகாபாத் மக்களவைத் தொகுதியில் சிட்டிங் எம்.பி.யும், பிஜேபி வேட்பாளருமான முகேஷ் ராஜ்புத்தின் பெயருக்கு அடுத்துள்ள பட்டனை அவர் அழுத்துகிறார். சில நிமிடங்களுக்குப் பிறகு, அந்த இளைஞன் மீண்டும் க்யூபிக்கிளில், “இது நம்பர் 2” என்று கூறுகிறான். மற்றொரு சுற்று வாக்குப்பதிவுக்குப் பிறகு, “இது மூன்றாவது” என்று கூறுகிறார். இவ்வாறு அந்த இளைஞர் எட்டு முறை வாக்களிப்பது வீடியோவில் பதிவாகியுள்ளது.
ஒரு பிரேம் அவரை வேறு சட்டையிலும் காட்டுகிறது. அவரது இடது கையின் கட்டைவிரலில் மை வைக்கப்பட்டுள்ளது, ஏற்கனவே வாக்களித்த வாக்காளரை அடையாளம் காண பயன்படுத்தப்பட்ட அழியாத மையைத் தேய்க்க அவர் அதைப் பயன்படுத்தியிருக்கலாம் என்று கூறப்படுகிறது.
சில தகவல்களின்படி, அந்த வீடியோவில் இருக்கும் இளைஞன் ஒரு மைனர். ஏழு முறை தேர்தல் அதிகாரிகளின் சோதனையை அவர் எவ்வாறு சமாளித்தார் என்பது தெளிவாகத் தெரியவில்லை. எப்ஐஆர் பதிவு செய்யப்பட்டு அவர் காவலில் வைக்கப்பட்டுள்ளார்.
உ.பி., தலைமை தேர்தல் அதிகாரி, நவ்தீப் ரின்வா, வாக்குச்சாவடியில் உள்ள அனைத்து உறுப்பினர்களும் இடைநீக்கம் செய்யப்படுவார்கள் என்றும், வாக்குச்சாவடியில் மறுவாக்குப்பதிவு நடத்த பரிந்துரைக்கப்பட்டுள்ளதாகவும் தெரிவித்தார்.
அந்த இளைஞன் எட்டு முறை வாக்களித்ததை ஒப்புக்கொண்டதாக மூத்த போலீஸ் அதிகாரி தனஞ்சய் சிங் குஷ்வாஹா AFP செய்தி நிறுவனத்திடம் கூறியுள்ளார்.
வைரலான வீடியோவைப் பகிர்ந்துள்ள காங்கிரஸ் ராகுல் காந்தி, பாஜக தோல்வியை உற்று நோக்குவதாகவும், “அரசு இயந்திரத்தை அழுத்துவதன் மூலம் ஜனநாயகத்தை கொள்ளையடிக்க விரும்புகிறது” என்றும் குற்றம் சாட்டினார்.
சமாஜ்வாடி கட்சி தலைவரும், உத்தரபிரதேச முன்னாள் முதல்வருமான அகிலேஷ் யாதவும், “ஏதேனும் தவறு நடந்ததாக தேர்தல் ஆணையம் நினைத்தால், நடவடிக்கை எடுக்க வேண்டும். இல்லையெனில், பாஜகவின் பூத் கமிட்டி கொள்ளை கமிட்டியாகும்” என்ற வீடியோவை X இல் பகிர்ந்துள்ளார்
