Deed Registration Allowed Despite Pending Cases நீதிமன்றத்தில் வழக்குகள் நிலுவையில் இருந்தாலும், நீதிமன்ற தடை இல்லாத சொத்துக்களை விற்பனை செய்து பதிவு செய்யலாம்” என்று பத்திர பதிவுத் துரையின் உத்தரவு கடும் சர்ச்சையை எழுப்பியுள்ளது.
இன்றைய சூழலில், பொதுமக்கள் தங்கம் மற்றும் நிலத்தில் முதலீடு செய்வதில் ஆர்வம் காட்டுகின்றனர். இதன் விளைவாக, தங்கத்தின் விலையும், நிலத்தின் மதிப்பும் தினசரி உயர்ந்து வருகிறது.
கடந்த ஆண்டு அதிகபட்ச பதிவுக் கட்டணத்தை ரூ.10,000 ஆகவும், முத்திரைக் கட்டணத்தை ரூ.40 ஆயிரமாகவும் அரசு உயர்த்தியது. இதேபோல், ஒருவரின் நிலத்தை மற்றவர்களுக்கு வழங்குவதற்கான பவர் ஆஃப் அட்டர்னி பதிவு மற்றும் தனி நிலத்தை பதிவு செய்வதற்கான கட்டணங்களும் அதிகரிக்கப்பட்டுள்ளன. இதனால் பத்திரங்களை பதிவு செய்தவர்கள் கடும் அதிருப்தி அடைந்துள்ளனர்.
இந்த நிலையில், நீதிமன்றத் தடை இல்லாத சொத்துகள் வழக்கில் இருந்தாலும் பத்திர பதிவு செய்யலாம் என்ற புதிய உத்தரவு வருவாய் இழப்பை தவிர்க்க பிறப்பிக்கப்பட்டது என கூறப்படுகிறது. இதனால் போலி பத்திரங்கள் மூலம் நிலம் வாங்குபவர்கள் பாதிக்கப்படலாம் என்ற அச்சம் உருவாகியுள்ளது.
பத்திரப் பதிவுக்கு வரும் சொத்துகள் தொடர்பாக நீதிமன்றத்தில் வழக்கு இருப்பதாகக் கூறி, பத்திரங்களை திரும்பப் பெறுவதால் ஏற்படும் வருவாய் இழப்பைத் தடுக்க, இந்த உத்தரவு பிறப்பிக்கப்பட்டுள்ளதாக கூறப்படுகிறது.
பொதுவாக ஒருவர் நிலத்தை வாங்கும்போது அந்த நிலத்தின் அசல் ஆவணங்கள் மற்றும் விலங்குச் சான்று ஆகியவற்றைப் பார்த்து, நிலத்தின் மீது ஏதேனும் வழக்கு உள்ளதா இல்லையா என்பதையும் சரிபார்ப்பார். வழக்கு இல்லை என்றால் நிலத்தை பதிவு செய்ய முன்வருவார்கள். இல்லையெனில் மறுத்துவிடுவார்கள்.ஆனால், இந்த புதிய உத்தரவால், வழக்கு நிலுவையில் இருந்தாலும், பத்திரங்களை பதிவு செய்யலாம்.
இந்த உத்தரவு நிலம் வாங்குபவர்களையும், நிலம் வாங்குபவர்களுக்கு கடன் கொடுப்பவர்களையும் கடுமையாகப் பாதிக்கும்.
இதுகுறித்து ரியல் எஸ்டேட் நிறுவனத்தின் சட்ட ஆலோசகர்கள் கூறுகையில், ‘‘மக்கள் சொத்து வாங்குவதில் இடையூறு ஏற்படாத வகையில் பத்திரப் பதிவுத் துறை மூலம் இந்த உத்தரவு பிறப்பிக்கப்பட்டுள்ளது. ஆனால், இந்த உத்தரவு மோசடி செய்பவர்களுக்கு கதவைத் திறக்கிறது என்பதுதான் உண்மை, பத்திரப் பதிவுத் துறை முறையான விசாரணையின்றி இதற்கு ஒப்புதல் அளித்துள்ளது.
சொத்து தொடர்பாக நீதிமன்றத்தில் வழக்குகள் நிலுவையில் இருந்தால், சப்-ரிஜிஸ்ட்ரார்கள் விற்பனை பத்திரங்களை பதிவு செய்ய மறுத்து திருப்பி அனுப்புவது வழக்கம். ஆனால் இந்த புதிய உத்தரவின் மூலம் போலி பத்திரங்களை தயாரித்து சாமானியர்களை எளிதில் ஏமாற்ற முடியும்.
எடுத்துக்காட்டாக, பிரச்னையில் இருக்கும் நிலத்தை விற்பதில் எந்தத் தடையும் இல்லாதபோது ஒருவர் வாங்குகிறார். ஆனால் பத்திரம் பதிவு செய்யப்பட்ட பிறகு நிலத்திற்கு தடை விதிக்கப்பட்டால், சாமானியர் மற்றும் நிலத்திற்கு கடன் வழங்கும் வங்கி நீதிமன்றத்தை நாட வேண்டியிருக்கும். எனவே இந்த புதிய திட்டத்தை கவனமாக பரிசீலித்து மறுபரிசீலனை செய்ய வேண்டும்,” என்றார்.
