முஸ்லிம் வேடமணிந்து இந்துக்களை அவதூறாக பேசிய நபர் கைது | Ayodhya Man Arrested for Posing as Muslim Abusing Hindus

Ayodhya Man Arrested for Posing as Muslim Abusing Hindus சமீபத்திய மக்களவைத் தேர்தலில் பாரதிய ஜனதா கட்சி (பாஜக) வேட்பாளரை தோற்கடித்ததற்காக தீரேந்திர ராகவ் முஸ்லிம் போல் மாறுவேடமிட்டு அயோத்தியில் (Ayodhya) உள்ள இந்துக்களை விமர்சிக்கும் வீடியோ சமூக ஊடகங்களில் வைரலானது

அந்த வீடியோவில், ராமர் கோயில் (Ram Mandir) கட்டப்பட்ட போதிலும், பாஜகவுக்கு (BJP) ஆதரவளிக்காததற்காக உத்தரபிரதேசத்தின் (Uttar Pradesh) அயோத்தியில் (Ayodhya) உள்ள இந்து வாக்காளர்களுக்கு எதிராக தீரேந்திர ராகவ் இழிவான கருத்துக்களை தெரிவித்தார்.

பிரதமர் நரேந்திர மோடியின் (Prime Minister Narendra Modi)  ‘நன்மையை’ மறந்துவிட்ட அவர்களை ‘இரட்டை முகம்’ என்று அவர் அழைத்தார். ராகுல் காந்தி (Rahul Gandhi) ஆட்சிக்கு வந்திருந்தால் முஸ்லிம்களுக்கு இடஒதுக்கீடு அளித்திருப்பார் என்று கூறினார்.

“ஒரு தலைவர் நமக்காக மசூதி கட்டியிருந்தால், வாழ்நாள் முழுவதும் அவருக்கு வாக்களிப்போம். ஆனால் உங்களுக்காக ராமர் கோயில் கட்டிய பிறகும் நீங்கள் மோடிக்கு வாக்களிக்கவில்லை” என்று அவர் கூறியிருந்தார்

வீடியோ வெளியாகி மதவெறுப்பை தூண்டிய சிறிது நேரத்திலேயே, பல உண்மைச் சரிபார்ப்பாளர்கள் விடீயோவின் மூலத்தைத் தேடத்தொடங்கினர். கூகிள் தலைகீழ் படத் தேடலின் மூலம் வீடியோவின் நம்பகத்தன்மையை சரிபார்த்தனர்,

இதில் அந்த நபரின் பெயர் தீரேந்திர ராகவ் என்றும் அவரின் உண்மையான கணக்கு Instagram இல் கண்டறியப்பட்டது. அவரது சமூக ஊடக கணக்குகளில் அவரது வீடியோக்கள் தொடர்ந்து பாஜகவை ஆதரித்தன
.
இந்த வீடியோ மீதான சீற்றத்தைத் தொடர்ந்து, ராகவ், ‘மத நல்லிணக்கத்தைத் தூண்டுதல் மற்றும் உடைத்தல்’ மற்றும் ‘வெறுப்பைத் தூண்டுதல்’ ஆகிய குற்றச்சாட்டின் பேரில் புதிய ஆக்ரா காவல்துறையால் கைது செய்யப்பட்டார்.

பாபர் மசூதி இடிக்கப்பட்ட இடத்தில் ராமர் கோவிலை பிரதமர் நரேந்திர மோடி திறந்து வைத்த சில மாதங்களிலேயே பைசாபாத் தொகுதியில் பாஜக தோல்வியடைந்ததை அடுத்து, அயோத்தி வாக்காளர்களை குறிவைத்து பல வீடியோக்கள் சமூக ஊடகங்களில் வெளியாகின.